Teks Khutbah Jumat Basa Sunda Singkat Terbaru, Janten Target Hinaan Sareng Hasutan Nalika Berjuang Ngawujudkeun Lingkungan Islami

Link download/unduhan file PDF dan file DOC/DOCX “Teks Khutbah Jum'at Basa Sunda, Janten Target Hinaan Sareng Hasutan Nalika Berjuang Ngawujudkeun Lingkungan Islami”, bisa dicek di akhir tulisan ini. 

Seorang Anak Sedang Membersihkan Masjid,
Menggulung Karpet Masjid Jami Al-Falah Kp. Leles 

السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ

 

KHUTBAH KAHIJI

إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْهُ فَلاَ هَادِيَ لَهُ.

أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ.

اَللَّهُمَّ صَلِّ عَلَى سيدنا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ.

قال الله تعالى:يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ.أَمَّا بَعْدُ

 

Hadirin sidang Jum’at rahimakumullah

Hayu urang salalawasna manjatkeun puji sinareng syukur ka Alloh Subhanahu wa Ta’ala anu parantos maparinan anugerah iman sinareng Islam ka urang sadayana, karunia anu paling berharga dina hirup sareng kahirupan urang.
    Dinu Jum’at anu barokah ieu, simkuring selaku khatib umajak ka diri nyalira sareng ka para wargi sadayana, hayu urang ngajaga sareng ningkatkeun kaimanan tur katakwaan urang ka Alloh Subhaanahu wa Ta’ala.
    Shalawat sinareng salam, insyaa Alloh, salalawasna tercurah ka kanjeng Nabi Muhammad ﷺ. Sareng urang sadayana salaku umatna, sing kenging syafa’atul ‘udzma ti Alloh Subhanahu wa Ta’ala, anu dihadirkeun melalui Nabi Muhammad ﷺ. Aamiin yaa Robbal ‘aalamiin.

 

Hadirin sidang Jum’at rahimakumullah

 Sakumaha Nabi Muhammad ﷺ ngawangun Masjid Nabawi di Madinah, salian ti kanggo tempat ibadah, oge gaduh peran penting janten pusat pendidikan sareng pembinaan umat. Teu benten sareng Masjid Jami Al-Falah Kp. Leles  ieu, salian ti kanggo tempat ibadah, peran penting sanesna, masjid ieu kedah janten pusat persatuan, pendidikan sareng pembinaan umat.

Kukituna, hayu urang sadayana, salaku jamaah masjid ieu, komo deui salaku pengurus masjid, urang kedah peduli ka lingkungan, melalui jalan ngamakmurkeun masjid ieu, anu carana teu saukur ngawangun fisikna wungkul diagreng-agreng, namung kedah tiasa ngawangun mental spiritual jamaah sareng warga di sekitar masjid ieu, diantawisna warga Kp. Leles, warga Kp. Babakan sareng warga Kp. Irian, sangkan sistem nilai dinu kahirupan urang sadidinten saluyu sareng sistem nilai Islami, anu sumberna al-Quran sareng Sunah Nabi Muhammad ﷺ.

Dina prosesna, upaya urang salaku jamaah sareng pengurus masjid jami Al-Falah nerapkeun tata kelola masjid anu sae, anu tiasa berdampak kana aktifna pengurus masjid sareng jamaah atanapi warga, ngarah tiasa sauyunan ngawujudna sistem nilai hirup Islami dinu kahirupan sadiditen di diri urang nyalira, keluarga urang, lingkungan masjid, sareng di lingkungan pilemburan sabuderen masjid, tangtos teu gampil. Pasti aya halangan sareng rintangan anu muncul, boh ti diri urang nyalira atanapi ti luar diri urang.

Halangan sareng rintangan ti diri urang nyalira, seueur rupina, diantawisna rasa males, gampil nyerah, ujub, riya, takabbur, asa pang berjasana, asa pang muliana, iri dengki ka batur, sareng hal-hal negatif sanesna, anu muncul ti diri urang.

Kitu deui, kemungkinan aya halangan rintangan anu munculna ti luar diri urang, sapertos anu karandapan ku Kanjeng Nabi Muhammad ﷺ, diantawisna anjeun-na janten target hinaan, fitnahan, dugi ka sabotase sareng ancaman pembunuhan, anu dilakukeun ku elite tokoh sareng sebagian warga anu ngahasut warga sanesna, sangkan benci ka anjeun-na, anu tujuan akhirna, sangkan anjeun-na nyerah dinu perjuangan di jalan Alloh, kanggo ngawujudkeun lingkungan Islami. 

 Hadirin Sidang Jum’at rahimakumullah

Upami urang mayunan hal-hal teu sae salami proses perjuangan, anu dikawitan melalui tata kelola masjid anu sae, saterasna sauyunan berjuang ngawujudkan sistem nilai Islami dinu kahirupan urang sadidinten, urang tiasa ngalenyepan sejarah atanapi kisah Nabi Muhammad ﷺ di luhur.

Urang kedah sabar, istiqomah sareng pantang menyerah, oge nyumerahkeun sadayana ka Alloh Subhanahu wa Ta’ala. Salah sawios rujukan, nalika aya perlakuan teu sae ka uirang, nyaeta dawuh Alloh Subhanahu wa Ta’ala:

فَٱصۡبِرۡ عَلَىٰ مَا يَقُولُونَ وَسَبِّحۡ بِحَمۡدِ رَبِّكَ قَبۡلَ طُلُوعِ ٱلشَّمۡسِ وَقَبۡلَ غُرُوبِهَاۖ وَمِنۡ ءَانَآيِٕ ٱلَّيۡلِ فَسَبِّحۡ وَأَطۡرَافَ ٱلنَّهَارِ لَعَلَّكَ تَرۡضَىٰ  ١٣٠

Anjen kudu sabar kana naon hal anu geus diucapkeun ku maranehna, sareng tasbih anjeun kucara muji Pangeran anjeun, samemeh matahari terbit sareng samemeh terbenam, sareng tasbih anjeun di waktu-waktu peuting sareng di waktu-waktu beurang, supaya anjeun ngarasa bagja (QS. Thoha: 130) 

Kujalan sabar sareng mercantenkeun sadaya perkara ka Alloh Subhanahu wa Ta’ala, ayana olok-olok, hinaan, hasutan jalma ka warga sangkan benci ka urang, sareng perlakukan teu sae sanesna ka diri urang sareng kana perjuangan urang, inysaa Alloh, hal eta bakal janten ladang amal ibadah anu ageung pisan di jalan Alloh Subhanahu wa Ta’ala.

Sagala hal teu sae anu narget sangkan urang liren berjuang, mangrupikeun rangkaian episode kahirupan kanggo ngadewasakeun sikep sareng tindakan urang. Alloh Subhanahu wa Ta’ala saestuna mikanyaah mikadeudeuh ka urang, kujalan dihina, direndahkeun, dugi ka janten target hasutan, adu domba sareng fitnah. Hal eta sadayana, nguji hikmah sareng kabijaksanaan urang, ngalatih mental spiritual urang.

Ayana halangan rintangan salami proses perjuangan, kedah janten jalan ningkatkeun kualitas diri urang, oge kedah janten motivasi positif kanggo urang.

Sikep sareng tindakan urang anu sabar tur bijaksana, kucara ngadu’akeun kasaean, teras sering tasbih kujalan muji ka Alloh sareng sholat, hal ieu sajalan sareng dawuh Alloh Subhanahu wa Ta’ala:

وَلَقَدۡ نَعۡلَمُ أَنَّكَ يَضِيقُ صَدۡرُكَ بِمَا يَقُولُونَ٩٧ فَسَبِّحۡ بِحَمۡدِ رَبِّكَ وَكُن مِّنَ ٱلسَّٰجِدِينَ٩٨ وَٱعۡبُدۡ رَبَّكَ حَتَّىٰ يَأۡتِيَكَ ٱلۡيَقِينُ٩٩

Sareng Kami saestuna mikanyaho, yen dada anjeun jadi sempit disebabkeun naon anu diucapkeun ku maranehna (97). Kukituna, tasbih anjeun kucara muji Pangeran anjeun, sareng anjeun kudu jadi di antara jalma-jalma anu sarujud (shalat) (98), Sareng sembah Pangeran anjeun nepi ka datang ka anejun naon anu dipercaya (ajal/maot) (99). (QS. Qof: 97 – 99) 

أَقُوْلُ قَوْلِيْ هٰذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ

   

KHUTBAH KADUA

اَلْحَمْدُ لِلَّهِ الَّذِيْ أَمَرَنَا بِاْلاِعْتِصَامِ بِحَبْلِ اللهِ، أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ لاَ نَبِيَّ بَعْدَهُ.

 فَيَا أَيُّهَا الْمُسْلِمُوْنَ، أُوْصِيْكُمْ وَنَفْسِيْ بِتَقْوَى اللهِ. وَاعْلَمُوْا أَنَّ اللهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلَى نَبِيِّهِ الْكَرِيْمِ

 فَقَالَ: إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا

اَللَّهُمَّ صَلِّ عَلَى سيدنا مُحَمَّدٍ وَعَلَى آلِ سيدنا مُحَمَّدٍ، وَرَضِيَ اللهُ تَعَالَى عَنْ كُلِّ صَحَابَةِ رَسُوْلِ اللهِ أَجْمَعِيْنَ. ---- امين يا رَبّ العالمين

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ 

 رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

سُبْحَانَ رَبِّكَ رَبِّ الْعِزَّةِ عَمَّا يَصِفُوْنَ، وَسَلاَمٌ عَلَى الْمُرْسَلِيْنَ وَالْحَمْدُ لِلَّهِ رَبِّ الْعَالَمِيْنَ

عِبَادَاللهِ  إِنَّ اللهَ يَأْمُرُنَا بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوااللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَر - استغفر الله العظيم لي ولكم

 أَقِيم الصَّلَوٰةَ

 

Silahkan klik link download/unduhan file PDF dan file DOC/DOCX “Teks Khutbah Jum'at Basa Sunda, Janten Target Hinaan Sareng Hasutan Nalika Berjuang Ngawujudkeun Lingkungan Islami”, di bawah ini:
 
File Doc/Docx Print Khutbah Jum'at Sunda, Nalika Urang Janten Target Hasautan Dinu Perjuangan di Jalan Alloh
File PDF Print Khutbah Jum'at Sunda, Nalika Urang Janten Target Hasautan Dinu Perjuangan di Jalan Alloh
File PDF Digital Khutbah Jum'at Sunda, Nalika Urang Janten Target Hasautan Dinu Perjuangan di Jalan Alloh